Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 409 Hüküm no: 481 Orijinal metin no: [65a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Abdullah’ın terekesinden kocası Hüseyin’in hissesini aldığı Mahmiye-i Kostantıniyye hısnı ebvâbından Kumkapı dâhilinde Nişancı Paşa-yı Atîk mahallesi sâkinelerinden iken bundan akdem fevt olan Hatice bt. Abdullah nâm hâtunun verâseti zevc-i metrûkü Hüseyin b. Sadık ile sadrî oğlu Mehmed b. Ahmed nâm sagīre münhasıra olduğu şer‘an müte‘ayyin oldukdan sonra merkūm Hüseyin meclis-i şer‘-i hatîr-i lâzımü’t-tevkīrde sagīr-i mezbûrun vasiyy-i muhtârı olmağla tereke-i müteveffât-ı mezbûreye vâzı‘ü’l-yed olan Ali b. Rüstem nâm kimesne mahzarında ikrâr-ı tâm ve takrîr-i kelâm edip tereke-i müteveffât-ı mezbûreden hisse-i irsiyye-i şer‘iyyeme isâbet eden altı yüz on beş akçeyi vasiyy-i mezbûr yedinden tamâmen ahz u kabz edip tereke-i müteveffât-ı mezbûreye müte‘allika da‘vâdan vasiyy-i mezbûru ibrâ eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min Recebi’l-mürecceb li sene seb‘a ve seb‘în ve elf. Şuhûdü’l-hâl: Ahmed Beşe b. Mustafa, Mehmed Beşe b. Yusuf, Mehmed Çelebi b. Osman, İbrahim b. Ömer, İbrahim Çelebi b. Ahmed, Şükrullah Bey b. Mustafa.