Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 65 Hüküm no: 28 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi b. Mustafa’nın terekesi Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Ulucababa mahallesinde sâkin iken bundan akdem vefât eden Mehmed Çelebi b. Mustafa’nın verâseti zevce-i menkûha-i metrûkesi Âişe Hatun bt. Mustafa ile babası merkūm Mustafa Çelebi b. Mehmed’e ve vâlidesi Fâtıma Hatun bt. Abdullah’a ve sulbî sagīr oğlu Ali’ye münhasıra olduğu şer‘an zâhir ve müte‘ayyin oldukdan sonra sagīr-i mezbûrun vâlidesi ve tesviye-i umûruna vasîsi olan mezbûre Âişe Hatun ile babası ve vâlidesi mezbûrân Mustafa Çelebi ve Fâtıma Hatun taleb ve ma‘rifetleriyle tahrîr ve taksîm olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’l-hâmis-aşer min-Cumâdelûlâ li-seneti seb‘a ve erba‘în ve miete ve elf. Cübbe sincab kürk 1 [aded] 1.040 akçe Köhne mâ‘i çuka şalvar 1 [aded] 160 akçe Köhne çuka dolama 1 [aded] 405 akçe Köhne tülbend örtüsü 1 [aded] 45 akçe Çuka cedîd dolama 1 [aded] 1.203 akçe Köhne kırmızı kuşak 180 akçe Def‘a Köhne dolama 1 [aded] 660 akçe Köhne destâr ma‘a kavuk 240 akçe Don 1 [aded] ma‘a gömlek 1 [aded] 240 akçe Nukūd der-kîs 15.000 akçe Cem‘an yekûn 19.173 akçe Minhe’l-ihrâcât Techîz ve tekfîn 1.500 akçe Deyn-i müsbet-i mehr-i müeccel bâ-hüccet-i şer‘iye 12.000 akçe Resm-i kısmet 180 akçe Kalemiye ve huddâmiye 120 akçe Harc-ı hüccet-i vesâyet 120 akçe Dellâliye ve dükkâniye 120 akçe Kaydiye 20 akçe Cem‘an yekûn 14.060 akçe Sahhu’l-bâkī li’t-taksîm beyne’l-verese 5.113 akçe Hissetü’z-zevceti’l-mezbûre 639 akçe Hissetü’l-ebi’l-mezbûr 852 akçe Hissetü’l-ümmi’l-mezbûre 852 akçe Hissetü’l-ibnü’l-mezbûr 2.770 akçe