Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 66 Hüküm no: 30 Orijinal metin no: [10a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah Hatun bt. Mehmed’in küçük kızı Sâliha’ya vasî tayini Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Ali Paşa-yı Cedîd mahallesinde sâkine iken bundan akdem vefât eden Emetullah Hatun bt. el-Hâc Mehmed’in sadriye sagīre kızı Sâliha’nın tesviye-i umûruna bir vasî nasbı lâzım ve mühim olmağın sagīre-i mezbûrenin babası olup mahmûdü’l-hâl idüği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan işbu râfi‘u’l-kitâb Osman Çelebi b. Mustafa’yı hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri sagīre-i mezbûrenin tesviye-i umûruna vasî nasb ve ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sânî-aşer min-Recebi’l-mürecceb sene 1147. Şuhûdü’l-hâl: el-Hâc Musa b. Mehmed, Ahmed Ağa b. el-Hâc Mehmed, el-Hâc Ali b. Mustafa, es-Seyyid Mehmed b. es-Seyyid Mustafa, el-Hâc Yusuf b. Abdullah.