Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 70 Hüküm no: 34 Orijinal metin no: [11b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nifos köyü ahalisinden Boşko v. Uberoto’nun satılıp alacaklıları arasında taksim olunan terekesi Havâss-ı Refî‘a kazâsına tâbi‘ Nifos nâm karyede mütemekkin iken bundan akdem hâlik olan Boşko v. Uberoto’nun zâhirde vâris-i ma‘rûfu olmayıp terekesi cânib-i Beytü’l-mâl’e âid olup karye-i mezbûrun Beytü’l-mâl Emîni olmağla terekesini bi’l-emâne kabz ettikden sonra hâlik-i mersûmun düyûn-ı kesîresi zuhûr etmeğin ba‘de’s-sübût karye-i mezbûrun emîni fahrü’l-akrân el-Hâc Mustafa Ağa b. Mehmed ile sâir erbâb-ı düyûn ma‘rifetleriyle tereke-i hâlik-i mersûmun bey‘ olunan ganem ve eşyâsı semeninden alâ-vechi’l-guremâ tevzî‘ ve taksîm defteridir ki ber-vech-i âtî zikrolunur. Fî 15 min-Cumâdelâhire sene 1147. #&# Dişi ganem 400 re’s, fî: 100 [akçe] 40.000 akçe Hımâr 1 re’s 240 akçe Köhne aba şalvar ve sâir hurdevât 240 akçe Cem‘an yekûn 40.480 akçe Minhe’l-ihrâcât Hâlik-i mersûmun lâşesini ilkā-i hafr içün masrûf 100 akçe Resm-i emîn-i Beytü’l-mâl 4.000 akçe Harc-ı defter 1.000 akçe Karye-i mezbûra giden kâtibe ücret ve kalemiye 600 akçe Çukadâriye ve ihzâriye 300 akçe Dellâliye ve müjde[gâne] 1.200 akçe Kaydiye-i defter 60 akçe Ta‘âmiye ve sâir masârif-i lâzıme 360 akçe Cem‘an yekûn 8.520 akçe Sahhu’l-bâkī li’t-taksîm beyne’l-guremâ 31.960 akçe Deyn-i müsbet-i Hasan Beşe bâ-hüccet-i şer‘iye Meblağ: 33.960 Mine’l-guremâ: 8.989 akçe Deyn-i müsbet-i Rukiye bâ-hüccet Meblağ: 30.000 Mine’l-guremâ: 7.941 akçe Deyn-i müsbet-i Ali Beşe bâ-hüccet Meblağ: 6.000 Mine’l-guremâ: 1.588 akçe Deyn-i müsbet-i Ali Paşazâde bâ-hüccet Meblağ: 6.480 Mine’l-guremâ: 1.715 akçe Deyn-i müsbet-i Hristo bâ-hüccet Meblağ: 8.640 Mine’l-guremâ: 2.286 akçe Deyn-i müsbet-i İstavrak bâ-hüccet Meblağ: 12.000 Mine’l-guremâ: 3.176 akçe Deyn-i müsbet-i Dimitr[i] bâ-hüccet Meblağ: 23.640 Mine’l-guremâ: 6.257 akçe