Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 83 Hüküm no: 44 Orijinal metin no: [16a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf Beşe b. Ali’nin küçük çocukları Mehmed ve Emine’ye vasî tayini Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Sof[u]lar mahallesinde sâkin iken bundan akdem vefât eden Yusuf Beşe b. Ali’nin sulbî sagīr oğlu Mehmed ile sulbiye sagīre kızı Emine’nin tesviye-i emirlerine kıbel-i şer‘den bir vasî nasb[ı] lâzım ve mühim olmağın emânet ile ma‘rûfe ve diyânet ile mevsûfe, her vechile vesâyet uhdesinden gelmeğe kādire idüği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan sagīrân-ı mezbûrânın vâlideleri işbu râfi‘atü’l-kitâb Sâliha Hatun b. Mehmed’i hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri sagīrân-ı mezbûrânın tesviye-i emirlerine vasî nasb ve ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 17 min-Recebi’l-mürecceb sene 1147. Şuhûdü’l-hâl: İbrahim Beşe b. Mehmed, Hasan Beşe b. Ali, İsmail Çelebi b. Abdullah, Mustafa Çelebi b. el-Hâc İbrahim, Ali Bey b. Hasan ve gayruhum mine’l-huzzâr.