Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 83 Hüküm no: 45 Orijinal metin no: [16a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi b. Ömer’in küçük oğlu Ömer’in vasîsi Abdullah Ağa b. Murad’ın, 1 Recep 1146 - 29 Cemaziyelahir 1147 dönemine ait muhasebesi Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Defterdâr Kara Süleyman mahallesinde sâkin iken bundan akdem vefât eden Mehmed Çelebi b. Ömer’in sulbî sagīr oğlu Ömer’in bâ-hüccet-i şer‘iye vasîyy-i muhtârı olan Abdullah Ağa b. Murad’ın bin yüz kırk altı senesi Recebi’l-mürecceb gurresinden bin yüz kırk yedi senesi Cumâdelâhire gāyetine gelince vasîyy-i mezbûr Abdullah Ağa’nın on iki ayda görülen muhâsebesidir ki ber-vech-i âtî zikrolunur. Fî-gurreti min-Recebi’l-ferd li-seneti seb‘a ve erba‘în ve miete ve elf. Vasîyy-i mezbûrun ber-mûceb-i defter-i muhâsebe makbûzu olan 80.160 akçe Vasîyy-i mezbûrun müddet-i mezbûrede murâbahadan makbûzu 6.240 akçe Müddet-i mezbûrede menzil icâresinden vasîyy-i mezbûrun makbûzu 520 akçe Müddet-i mezbûrede sagīr-i mezbûrun cibâyet ve nân-ı azîz semeninden makbûzu 1.520 akçe Cem‘an yekûn 88.440 akçe Minhe’l-masârif Müddet-i mezbûrede sagīr-i mezbûrun nafaka-i mefrûzasına vasîyy-i mezbûrun masrûfu 5.400 akçe Îd-i şerîflerde ve hîn-i şitâda sagīr-i mezbûrun libâsına vasîyy-i mezbûrun masrûfu 1.320 akçe Harc-ı defter 600 akçe Kalemiye-i kâtib 120 akçe Kaydiye ve sâir masârif 80 akçe Cem‘an yekûn 7.520 akçe Sahhu’l-bâkī bi-yedi vasîyy-i mezbûr Meblağ: 80.920 Vasîyy-i mezbûr Abdullah Ağa’nın muhâsebesi görülüp ancak zimmetinde zuhûr eden yalnız seksen bin dokuz yüz yirmi akçe olduğu işbu mahalle şerh verildi.