Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 125 Hüküm no: 83 Orijinal metin no: [29a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eyüp civarı Askerî Kassamlığı’na Rumeli Kazaskeri Seyyid Mahmut tarafından 1 Zilka‘de 1147 tarihi itibarıyla yapılan görevlendirme İzzetlü, fazîletlü, sa‘âdetlü efendi ( ) hazretlerinin zîb-i mesnedgâh-ı şerî‘at-i garrâ olan nâdî-i refî‘-i dil-pezîrleri savbına bi’l-izzi ve’l-ikrâm tahiyyât-ı sâlimetü’l-encâm ithâf ve ihdâsı siyâkında inhâ-yı muhlisîdir ki: İşbu sene seb‘a ve erba‘în ve miete ve elf Zilka‘desi gurresinden hazret-i Eyüb el-Ensârî -aleyhi rıdvânü’l-Meliki’l-Bârî civâ[r]ı kısmet-i askeriyyesi cenâb-ı sa‘âdetinize tefvîz olunmuşdur. Taraf-ı bâhirlerinden ta‘yîn buyrulan adamlarına hasbe’ş-şer‘i’l-kavîm ba‘de’t-tahrî[r] ve’t-taksîm sagīr ve sagīreleri olanlardan binde on beşden ziyâde ahz olunmaya deyü tenbîh buyuralar. Bâkī ve’s-selâm. Ma‘a nevâhi’l-Eyyûbi’l-Ensârî kısmet-i askeriyyesi size sipâriş ve tefvîz olunmuşdur. Mine’l-muhlis es-Seyyid Mahmud El-kādı bi-askeri Rumeli