Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 127 Hüküm no: 86 Orijinal metin no: [29b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdullah’ın küçük kızı Hanife’ye vasî ve vasî nâzırı tayini Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Arakıyecibaşı mahallesinde sâkin iken bundan akdem vefât eden el-Hâc Mehmed b. Abdullah’ın sulbiye sagīre kızı Hanife’nin tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûf[e] ve diyânet ile mevsûfe, her vechile vesâyet uhdesinden gelmeğe kādir[e] idüği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir <> ve nümâyân olan sagīre-i mezbûrenin ceddi bâ‘isü’l-kitâb Hasan Ağa b. İbrahim’i hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri sagīre-i mezbûrenin vakt-i rüşd ve sedâdına <> varınca tesviye-i umûruna vasî ve üzerine işbu hâzıra bi’l-meclis vâlidesi Zeyneb Hatun’u hasbî nâzır nasb ve ta‘yîn eylediklerinde onlar dahi ber-vech-i muharrer her biri vesâyet ve nezâret-i mezbûreyi kabûl ve hizmet-i lâzımelerini kemâ-yenbagī edâya ta‘ahhüd ve iltizâm <> etmeleriyle mâ-vaka‘a bi’t-taleb ketb olundu. Fî 4 min-Zilka‘deti’ş-şerîfe sene 1147. Şuhûdü’l-hâl: Eş-şâhidûnü’s-sâbıkūn.