Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 154 Hüküm no: 106 Orijinal metin no: [37a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiryako v. Avril’in terekesi Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî- mahallâtından Topkapısı hâricinde vâki‘ Emânî Çelebi mahallesinde mütemekkin iken bundan akdem hâlik olan Kiryako v. Avril nâm zimmînin verâseti zevce-i metrûkesi Fotora bt. Sabina ile sulbî sagīr oğulları Yorgaki ve Dimitraki’ye münhasıra olduğu şer‘an zâhir ve müte‘ayyin oldukdan sonra sagīrân-ı mezbûrânın anaları ve tesviye-i emirlerine kıbel-i şer‘den mansûbe vasîleri olan mezbûre Fotora taleb ve ma‘rifetiyle tahrîr ve taksîm olunan tereke-i müteveffâ-yı mezbû[r]dur ki ber-vech-i âtî zikrolunur. Fi’l-yevmi’l-hâdî ve’l-işrîn min-Zilhicceti’ş-şerîfe li-seneti seb‘a ve erba‘în ve miete ve elf. #&# Köhne yastık 1 [aded] 100 akçe Köhne yorgan 1 [aded] 120 akçe Köhne döşek 1 [aded] 210 akçe Köhne kebe 1 [aded] 34 akçe Kurada tencere 2 [aded] 200 akçe Tâbe ma‘a tepsi 60 akçe Bargir 1 [aded] 1.000 akçe Mezrû‘ şa‘îr 3.000 akçe Nakid 3.300 akçe İstrahi zimmetinde olandan makbûzu 12.000 akçe Simo zimmîden makbûzu 12.000 akçe Kostantın zimmîden 12.000 akçe Ali Beşe’den makbûzu 2.400 akçe Cem‘an yekûn 46.396 akçe Minhe’l-ihrâcât Hâlik-i mersûmun lâşesini ilkā-i hafr içün ve sâir âyinlerine ber-mûceb-i vasiyyet 6.000 akçe Resm-i âdî ve kassâmiye 928 akçe Kalemiye-i kâtib ve huddâmiye 236 akçe Çukadâri[ye] ve kaydiye 120 akçe Harc-ı hüccet-i vesâyet ve nafaka 180 akçe Cem‘an yekûn 7.540 akçe Sahhu’l-bâkī li’t-taksîm beyne’l-verese 38.856 akçe Hissetü’z-zevceti’l-mezbûre 4.857 akçe Hissetü’l-ibnü’l-mezbûr 16.999 akçe Hissetü’l-ibnü’l-mezbûr 16.999 akçe