Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 161 Hüküm no: 113 Orijinal metin no: [39a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terkos nahiyesinin Şamlar köyü ahalisinden Ali Kethuda b. Mustafa’nın, varisleri tarafından satılıp bedelleri alacaklılarına dağıtılan terekesi Havâss-ı Refî‘a kazâsı muzâfâtından Terkos nâhiyesine tâbi‘ Şamlar nâm karyede sâkin iken bundan akdem vefât eden Ali Kethudâ b. Mustafa’nın verâseti zevce-i menkûha-i metrûkesi Sâliha Hatun bt. Mehmed ile li-ebeveyn kız karındaşı diğer Sâliha Hatun’a münhasıra olduğu şer‘an zâhir ve müte‘ayyin olup lâkin <> müteveffâ-yı mezbûrun düyûn-ı <> kesîresi olmağla mezbûretân Sâliha ve diğer Sâliha nâm hatunlar müteveffâ-yı mezbûrun terekesini kendileri bey‘ edüp ve erbâb-ı düyûna verdiklerinin defteridir ki ber-vech-i âtî zikrolunur. Fi’l-yevmi’s-sâmin ve’l-işrîn min-Zilhicceti’ş-şerîfe li-seneti seb‘a ve erba‘în ve miete ve elf. Köhne balta 1 [aded] 50 akçe Örs 1 [aded] ma‘a çekiç 1 [aded] 36 akçe Yularlı keser 1 [aded] 90 akçe Zıbkın 1 [aded] 33 akçe Köhne balta 1 [aded] 18 akçe Külünk 1 [aded] 30 akçe Köhne keser 1 [aded] 30 akçe Saban 1 [aded] ma‘a demir 1 [aded] 79 akçe Burgular 122 akçe Hurdevât 67 akçe Gürz 70 akçe Satır 66 akçe Demir dirgen 1 [aded] 22 akçe Çapa ma‘a kazma 30 akçe Ağa dirgeni 1 [aded] ma‘a yaba 1 [aded] 30 akçe Orak ma‘a tırpan 41 akçe Çizme 60 akçe Köhne tekne 1 [aded] 18 akçe Şalvar 22 akçe Köhne yağmurluk 96 akçe Köhne kebe 1 [aded] 96 akçe Köhne hararlar 54 akçe Döğen 1 [aded] 141 akçe Köhne fıçı 1 [aded] 51 akçe Araba 375 akçe Öküz 1 çift 2.940 akçe Tahtalar 960 akçe Araba cürbü? 30 akçe Odun 270 akçe Kilim 60 akçe Kovan 192 akçe Mezrû‘ hınta 6 keyl ve alef 8 keyl ve şa‘îr 5 keyl ve burçak şinik 2.970 akçe Cem‘an yekûn 9.252 akçe Minhe’l-ihrâcât Deyn-i Vakf-ı Mütevellî Hasan Ağa bi-ikrâr-ı verese 1.150 akçe Deyn-i Pabucîoğlu bi-ikrâr-ı verese 240 akçe Deyn-i Süğlün Ahmed bi-ikrâr-ı verese 1.200 akçe Deyn-i Bakkal el-Hâc Ali Beşe bi-ikrâr-ı verese 30 akçe Deyn-i Arslan zimmî bi-ikrâr-ı verese 480 akçe Deyn-i Cebecioğlu bi-ikrâr-ı verese 42 akçe Deyn-i Kara Mustafa bi-ikrâr-ı verese 138 akçe Deyn-i Ahmed Ağa bi-ikrâr-ı verese 2.080 akçe Deyn-i Zebunoğlu İbrahim bi-ikrâr-ı verese 150 akçe Deyn-i mehr-i müeccel bi-ikrâr-ı verese 2.000 akçe Techîz ve tekfîn 930 akçe Harc-ı defter 240 akçe Karye-i mezbûra giden kâtibe ücret 120 akçe Çukadâriye 90 akçe İhzâriye 57? Akçe Ücret-i bargir 135 akçe Dellâliye 170 akçe Cem‘an yekûn 9.250 akçe Müteveffâ-yı mezbûrun bey‘ olunan terekesi semeni ancak düyûnuna müsâvî olmağın beynlerinde erbâb-ı düyûna edâ ve teslîm edüp kendilere hisse olmayıp her biri âharın zimmetlerini ibrâ ve ıskāt eyledikleri işbu mahalle şerh verildi.