Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 233 Hüküm no: 174 Orijinal metin no: [58b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aydın’ın Güzelhisar kasabası ahalisinden olup Eyüp’te Ali Paşa-yı Cedid Mahallesinde vefat eden Mehmed Ağa b. Abdurrahman’ın terekesi Fi’l-asl vilâyet-i <> Aydın’da Güzelhisar kasabası ahâlîsinden olup medîne-i hazret-i Ebî Eyüb-i Ensârî -aleyhi rahmetü Rabbihi’l-Bârî-de Ali Paşa-yı Cedîd mahallesinde müsâfiren sâkin iken bundan akdem vefât eden Mehmed Ağa b. Abdurrahman’ın verâseti kasaba-i mezbûre sâkinelerinden zevce-i menkûha-i metrûkesi Hatem bt. Abdullah ile sulbiye sagīre kızları Havva ve Bedrizamâne ve li-ebeveyn kız karındaşı diğer Havva Hatun’a münhasıra olduğu şer‘an zâhir ve müte‘ayyin oldukdan sonra mezbûrât Hatem ve Havva ve Bedrizamâne ve Havva Hatun’un hisse-i mevkūfelerin ahz u kabz ve zabt u hıfza ve kendilere îsâle bâ-hüccet-i şer‘iye vasî ve kayyım nasb olunan Abdüllatif Bey b. el-merhûm Abdullah Paşa ma‘rifeti[y]le tahrîr ve takvîm olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’l-hâmis ve’l-işrîn min-Recebi’l-ferd li-seneti semân ve erba‘în ve miete ve elf. Kutnî kapama 1 [aded] 240 akçe Köhne sâye biniş 1 [aded] 1.800 akçe Köhne şal kuşak 1 [aded] 600 akçe Kırmızı kapama 1 [aded] 240 akçe Köhne paça kürk 1 [aded] 2.400 akçe Köhne kutnî anteri 1 [aded] 600 akçe Köhne nâfe kürk 1 [aded] 1.200 akçe Köhne destâr 1 [aded] 360 akçe Yemenî 1 [aded] ma‘a makrama 2 [aded] 240 akçe Köhne don 1 [aded] ma‘a gömlek 1 [aded] 150 akçe [59a] Köhne duhan kîsesi 1 [aded] 80 akçe Köhne bohça 2 [aded] 60 akçe Köhne hurc heybesi 1 [aded] 200 akçe Bel (…) 1 [aded] 600 akçe Nakid der-kîs 5.465 akçe Balık dişi hançer 240 akçe Yanya zarfı 4 [aded] 150 akçe Felebenk? tesbih 1 [aded] 80 akçe Sîm saat 1 [aded] 240 akçe Cem‘an yekûn 17.585 akçe Minhe’l-ihrâcât Techîz ve tekfîn 1.800 akçe İskāt-ı salât ber-mûceb-i vasiyyet 3.000 akçe Tahlîs-ı Beytü’l-mâl 1.000 akçe Resm-i âdî 437 akçe Kalemiye-i kâtib 150 akçe Çukadâriye ve ihzâriye 120 akçe Harc-ı hüccet-i vesâyet 120 akçe Muhammeniye-i eşyâ 60 akçe Kaydiye-i defter 24 akçe Cem‘an yekûn 6.687 akçe Sahhu’l-bâkī li’t-taksîm beyne’l-verese 10.898 akçe Hissetü’z-zevceti’l-mezbûre 1.362 akçe Hissetü’l-binti’l-mezbûre 3.632 akçe Hissetü’l-binti’l-mezbûre 3.632 akçe Hissetü’l-uhtü’l-mezbûre 2.272 akçe