Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 314 Hüküm no: 239 Orijinal metin no: [83b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hatun bt. Ömer’in oğlunun küçük kızları Hafize ve Habibe’ye nafaka tayini Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Çavuş Kasım mahallesinde sâkine iken bundan akdem vefât eden Fâtıma Hatun bt. Ömer’in oğlu kızları Hafize ve Habibe nâm sagīrelerin vâlideleri işbu râfi‘atü’l-kitâb Âişe Hatun bt. Mehmed meclis-i şer‘-i şerîf-i enverde takrîr-i kelâm ve ta‘bîr ani’l-merâm edüp bi-hakkı’l-hıdâne hacr ve terbiyemde olan sagīretân-ı mezbûr[et]ânın ceddeler[i] müteveffât-ı mezbûreden müntakıl mal-ı mevrûslerinden kadr-ı ma‘rûf nafaka ve kisve-bahâ farz ve takdîr olunmak matlûbumdur dedikde mezbûre <> Âişe Hatun’un kelimât-ı meşrûhası vâkı‘a mutâbık idüği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olmağın hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri sagīretân-ı mezbûre[tâ]nın ceddeleri müteveffât-ı mezbûreden müntakıl mal-ı mevrûslerinden beher yevm sekizer akçe nafaka farz ve takdîr edüp meblağ-ı mefrûz-ı mezbûru sagīre[t]ân-ı mezbûretânın nafaka ve kisve-bahâlarına harc ve sarfa ve lede’l-iktizâ istidâneye ve inde’z-zafer mâlına rücû‘a mezbûre Âişe Hatun’a izin vermeğin mâ-vaka‘a bi’t-taleb ketb olundu. Fî-gurreti Rebî‘ülevvel sene 1149. Şuhûdü’l-hâl: Mustafa Efendi b. Receb, Ahmed Efendi b. Mustafa, es-Seyyid Mehmed b. es-Seyyid Mustafa, Mehmed Efendi b. Bektaş, es-Seyyid Ahmed b. es-Seyyid Mehmed.