Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 315 Hüküm no: 240 Orijinal metin no: [83b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe b. Hüseyin’in terekesi Medîne-i hazret-i Ebî Eyüb-i Ensârî -aleyhi rahmetü Rabbihi’l-Bârî-de Aşcıbaşı mahallesinde sâkin iken bundan akdem vefât eden Mustafa Beşe b. Hüseyin’in verâseti zevce-i menkûha-i metrûkesi Emine Hatun bt. Ali ile sulbî kebîr oğulları olup hâlâ sefer-i hümâyûna âzim olan Ahmed Beşe ve Abdullah Beşe’ye münhasıra olduğu şer‘an zâhir ve müte‘ayyin oldukdan sonra mezbûrân Ahmed ve Abdullah Beşe’nin hisse-i irsiyelerini ahz u kabz [ve] zabt u hıfza vasî ve kayyım nasb olunan <> Mehmed Ağa b. Osman ile zevcesi mezbûre Emine Hatun taleb ve ma‘rifetleriyle tahrîr ve takvîm olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’s-sâbi‘ ve’l-işrîn min-Rebî‘i’l-evvel li-seneti tis‘a ve erba‘în ve miete ve elf. Köhne sandık 1 [aded] 120 akçe Mushaf-ı Şerîf 1 [aded] 480 akçe Risâle 60 akçe Hilye-i Şerîf 60 akçe Köhne yastık 2 akçe 50 akçe Köhne yorgan 1 [aded] 150 akçe Sagīr minder 1 [aded] 120 akçe Köhne kebe 2 [aded] 180 akçe Köhne benek mak‘ad 1 [aded] 120 akçe Kum sâ‘ati 1 [aded] 120 akçe [84a] Köhne çuka cübbe 1 [aded] 60 akçe Köhne biniş 1 [aded] 360 akçe Köhne sâde 1 [aded] 120 akçe Köhne destâr 1 [aded] 120 akçe Kırmızı yağmurluk 1 [aded] 180 akçe Köhne tiftik kuşak 1 [aded] 30 akçe Köhne çakşır 1 [aded] 20 akçe Köhne celâyî 1 [aded] 20 akçe Köhne dolama 1 [aded] 240 akçe Köhne zıbın 2 [aded] 60 akçe Köhne kavuk 5 [aded] 120 akçe Leğen 1 [aded], ma‘a ibrik 2 [aded] 300 akçe Sagīr tencere ma‘a tâbe 120 akçe Lengerî 3 [aded], sahan 1 [aded], tas 1 [aded] 120 akçe Kuş kafesi 1 [aded] 30 akçe Nakid der-kîs 15.600 akçe Bakkal dükkânından sermâye 6.000 akçe Cem‘an yekûn 24.870 akçe Minhe’l-ihrâcât Techîz ve tekfîn ve ıskāt-ı salât 2.400 akçe Deyn-i müsbet-i mehr-i müeccel 3.000 akçe Deyn-i müsbet-i Osman Beşe 2.880 akçe Resm-i âdî 620 akçe Kalemiye 120 akçe Çukadâriye 60 akçe İhzâriye 30 akçe Kaydiye 20 akçe Cem‘an yekûn 9.130 akçe Sahhu’l-bâkī li’t-taksîm beyne’l-verese 15.740 akçe Hissetü’z-zevceti’l-mezbûre 1.967 akçe Hissetü’l-ibnü’l-mezbûr 6.881 akçe Hissetü’l-ibnü’l-mezbûr 6.881 akçe