Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 72 Hüküm no: 22 Orijinal metin no: [7b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Ali’nin vefâtıyla çocuklarına babaları Mehmed’in vasi tayin edilmesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Câmi‘-i Kebîr Mahallesiʼnde sâkine iken bundan akdem vefât eden Fâtıma bt. Ali’nin sadrî sagīr oğulları Mustafa ve Ahmed ile sadriye sagīre kızı Hanife’nin tesviye-i emirlerine kıbel-i şer‘den bir vasî nasbı lâzım ve mühim olmağla sıgār-ı mezbûrûnun babaları olup mahmûdü’l-hâl idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan işbu râfiʻü’l-kitâb Mehmed b. İbrahim’i hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sıgār-ı mezbûrûnun tesviye-i emirlerine vasî nasb u ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımelerin kemâ-yenbagī edâya taʻahhüd ve iltizâm etmeğin mâ-vaka‘a [bi’t-taleb] ketb olundu. Fi’l-yevmi’t-tâsiʻ min-Saferi’l-hayr li-sene semân ve hamsîn ve mi’e ve elf. Şuhûdü’l-hâl: Mehmed b. Mustafa, İbrahim Beşe b. Mehmed, Himmet Beşe b. Ali, Abdullah b. Hüseyin, Hüseyin b. Mustafa, Hüseyin Beşe b. ( ), Naʻlbend İsmail b. ( ), Ahmed Beşe b. İsmail, Naʻlbend Ahmed Beşe b. Abdullah, İbrahim b. Hüseyin, Mustafa b. İbrahim, Mustafa b. İsmail, es-Seyyid Mehmed b. Mustafa.