Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 82 Hüküm no: 34 Orijinal metin no: [10a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Efendi’nin vefâtıyla küçük oğlu Mustafa’ya vasi tayin edilmiş olan kardeşi Mehmed Said’in muhasebesi Medîne-i Hazret-i Ebî Eyyüb el-Ensârî -radiye anhu rabbihi’l-bârî-’de Selâhi Mehmed Bey Mahallesiʼnde sâkin iken bundan akdem vefât eden İbrahim Efendi b. Ali’nin sulbî oğlu Mustafa nâm sagīrin tesviye-i umûruna bâ-hüccet-i şer‘iyye vasiyy-i muhtârı olan büyük karındaşı Mehmed Said’in bin yüz elli altı Saferi’l-hayrı gurresinden elli sekiz senesi Saferi’l-hayrı gāyesine gelince yirmi beş ayda vasiyy-i mezbûrun muhâsebesidir ki ber-vech-i âtî zikr olunur. Fi’l-yevmi’s-sânî ve’l-ışrîn min-Saferi’l-hayr li-sene semân ve hamsîn ve mi’e ve elf. Cihan Bey Vakfı’ndan nezâret vazîfesi 5 akçe Vakf-ı mezbûreden muʻtemed vazîfesi 4 akçe Kasımpaşa’da eczâhân vazîfesi 2 akçe Ber-vech-i rakabe Hasköy’de ihtisâbdan vazîfe 1 akçe Çardakdâr vazîfe[si] 2 akçe Ber-vech-i rakabe Yekûn-ı vezâif-i yevmiye: 12 akçe. Bir yevm on iki akçedir. Meblağ; 12.873. Sagīr-i mezbûrun babasından müntakil bâ-defter-i kassâm mâl-ı mevrûsu. 9.000. Sagīr-i mezbûrun ber-vech-i muharrer vezâifinden hâsıl. 21.873 Minhâ: Nezâret ve muʻtemed vazîfeleri için arz ve ruûs ve derkenâr ve tezkireleri için verilen 1.770 akçe Çardak vazîfesi için ruûs ve arz ve tezkireye verilen 270 akçe Kasımpaşa’da eczâhân için arz ve tezkireye verilen 510 akçe Hasköy’de ihtisâb vazîfesi için harc-ı berât 660 akçe Sagīr-i mezbûrun yirmi beş ayda ber-vech-i meşrûh nafakası 9.000 akçe Harc-ı muhâsebe-i defter 120 akçe Hüddâmiye 60 akçe Kaydiye 15 akçe Yekûnü’l-mesârif: 12.465 akçe. Sahhe’l-bâkī: 9.408 akçe. Vasiyy-i mezbûrun ber-vech-i muharrer vezâifden ve defter-i kassâm mûcebince mâl-ı mevrûsundan baʻde’l-muhâsebe ve ihrâci’l-mesârif bâkī yalnız dokuz bin dört yüz sekiz akçedir.