Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 85 Hüküm no: 36 Orijinal metin no: [10b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani Hatun’un vefâtıyla küçük kızı Emetullah’a babası Bostanî Hüseyin’in vasi tayin edilmesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de el-Hâc Hüsrev Mahallesiʼnde sâkine iken bundan akdem vefât eden Ümmühani Hatun bt. Halil’in sadriye sagīre kızı Emetullah’ın tesviye-i umûruna kıbel-i şer‘den bir vasî nasbı lâzım ve mühim olmağın sagīre-i mezbûrenin babası olup mahmûdü’l-hâl idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver [zâhir] ve mukarrer olan işbu râfiʻü’l-kitâb Bostanî Hüseyin b. Abdullah’ı hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sagīre-i mezbûrenin tesviye-i umûruna vasî nasb u ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb [11a] ketb olundu. Fi’l-yevmi’l-hâmis aşer min-Saferi’l-hayr li-sene semân ve hamsîn ve mi’e ve elf. Şuhûdü’l-hâl: Ahmed Efendi b. Mustafa, es-Seyyid Mehmed b. es-Seyyid Mustafa, es-Seyyid Ömer b. ( ), Mustafa Efendi b. Hüseyin ve gayruhum.