Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 86 Hüküm no: 37 Orijinal metin no: [11a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Südlüce’de ekmekçi iken Kudüs’de ölen Karabet’in vârislerine taksim edilen terekesi Havâss-ı Refîʻa kazâsı muzâfâtından Hasköy nâhiyesine tâbi‘ Südlüce’de mütemekkin ekmekçi tâifesinden olup Kuds-i şerîf’de hâlik olan Karabet v. Seknans’ın verâseti vilâyet-i Anadolu’da Eğin kazâsında mütemekkine bundan [akdem] zevce-i metrûkesi Virehanna? bt. Karabet ile sulbiye kebîre kızları Zosin ve Seribye? ve Ogide ve Marya’ya ve sulbî sagīr oğlu Mardiros’a münhasıra olduğu şer‘an zâhir ve müteʻayyen oldukdan sonra verese-i mezbûrânın hisse-i irsiyyelerini ahz u kabz, zabt u hıfza kıbel-i şer‘den vasî ve kayyım nasb olunan hâlik-i mezbûrun dâmâdı Margaros v. Sahak taleb ve ma‘rifetiyle tahrîr ve taksîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’s-sânî ve’l-ışrîn min-Saferi’l-hayr li-sene semân ve hamsîn ve mi’e ve elf. Südlüce’de vâki‘ fırında bârgir, re’s 16.000 akçe Fırın-ı mezbûrede mevcûd sermâye 20.000 akçe Cem‘an yekûn: 36.000 akçe. Minhâ el-ihrâcât: Resm-i kısmet 900 akçe Kalemiye-i kâtib 180 akçe Çukadâriye 120 akçe İhzâriye 60 akçe Harc-ı vesâyet 420 akçe Kaydiye 30 akçe Yekûn: 1.710 akçe. Sahhe’l-bâkī li’t-taksîm beyne’l-verese: 34.290 akçe. Hissetü’z-zevceti’l-mezbûre 4.286 akçe Hissetü’l-ibni’l-mezbûr 10.000 akçe Hissetü’l-binti’l-mezbûre 5.000 akçe Hissetü’l-binti’l-mezbûre 5.000 akçe Hissetü’l-binti’l-mezbûre 5.000 akçe Hissetü’l-binti’l-mezbûre 5.000 akçe