Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 99 Hüküm no: 52 Orijinal metin no: [14a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vârisi olmaksızın vefât eden Osman b. Abdullah’ın beytülmâla kalan terekesi Fi’l-asl vilâyet-i Rumeli’nde Istarova kazâsından olup medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Otakçıbaşı Mahallesiʼnde vâki‘ el-Hâc Ahmed bağçesinde müsâfiren sâkin iken bundan akdem vefât eden Osman b. Abdullah’ın zâhirde vâris-i ma‘rûf ve ma‘rûfesi olmayıp terekesi cânib-i beytülmâla âid olmağın hâlâ Hâslar’da beytülmâl kabzına meʼmûr olan fahrü’l-eşbâh İbrahim Ağa b. Halil taleb ve ma‘rifetiyle tahrîr olunan tereke-i mezbûrdur ki ber-vech-i âtî zikr olunur. Fî 17 Rebîʻülevvel sene 1158. Müteveffâ-yı mezbûrun zuhûr eden der-kîse meblağ: 48.000 Minhâ el-ihrâcât: Techîz, tekfîn ve ıskāt-ı salât ber-mûceb-i vasiyyet 4.800 akçe Eyyâm-ı mu‘tâd tabh-ı taʻâm ve itʻâm-ı fukarâ ber-mûceb-i vasiyyet 1.200 akçe Resm-i emîn 4.800 akçe Resm-i âdî 1.500 akçe Kalemiye-i kâtib 480 akçe Müjdegâne 1.320 akçe Çukadâriye 300 akçe Kaydiye 60 akçe İhzâriye 180 akçe Müteveffâ-yı mezbûrun düyûn-ı müteferrikası için emin-i mezbûrun verdiği meblağ 3.000 akçe Cem‘an yekûn: 17.640 akçe. Sahhe’l-bâkī: 30.360 akçe. Emîn-i beytülmâl yedinde kalan yalnız otuz bin üç yüz altmış akçedir.