Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 100 Hüküm no: 53 Orijinal metin no: [14b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alime Hatun’un vefâtı üzerine küçük kızı Fâtıma’ya babası Derviş Mehmedʼin vasi tayin edilmesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Defterdâr Kara Süleyman Mahallesiʼnde sâkine iken bundan akdem vefât eden Alime Hatun bt. Osman’ın sadriye sagīre kızı Fâtıma’nın tesviye-i umûruna kıbel-i şer‘den bir vasî nasbı lâzım ve mühim olmağın sagīre-i mezbûrenin babası olup mahmûdü’l-hâl idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan işbu râfiʻü’l-kitâb Derviş Mehmed b. Mahmud’u hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sagīre-i mezbûrenin tesviye-i umûruna vasî nasb u ta‘yîn buyurduklarında ol dahi vech-i muharrer vesâyet-i mezbûreyi kabûl ve hizmet-i lâzımesini kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’l-hâmis min-şehri Rebîʻülâhire sene semân ve hamsîn ve mi’e ve elf. Şuhûdü’l-hâl: Es-Seyyid Ahmed Ağa b. es-Seyyid Mehmed, İmâm Ali Efendi b. Mehmed, Fahrü’l-akrân Zaʻîm es-Seyyid Hasan Ağa b. es-Seyyid Ahmed, Mustafa Çelebi b. Hasan, es-Seyyid Mustafa Efendi b. es-Seyyid Ahmed, Tâcir el-Hâc Ahmed Ağa b. ( ), Mustafa Efendi b. Hüseyin, Ahmed Efendi b. es-Seyyid Feyzullah Ağa, Mustafa.