Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 118 Hüküm no: 71 Orijinal metin no: [18b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin alacaklılarına taksim edilen terekesi Havâss-ı Refîʻa kazâsı muzâfâtından Terkos nâhiyesine tâbi‘ Bosna nâm karyede sâkine iken bundan akdem vefât eden Mehmed Beşe b. Ali’nin verâseti zevce-i menkûha-i metrûkesi Gülizar Hatun bt. Abdullah ile sulbî kebîr oğlu İbrahim Beşe’ye ve sulbiye sagīre kızı Emine’ye münhasıra olduğu şer‘an zâhir ve müteʻayyen oldukdan sonra sagīre-i mezbûrenin vâlidesi ve tesviye-i umûruna vasîsi olan mezbûre Gülizar Hatun ile mezbûr İbrahim Beşe ve sâir erbâb-ı düyûn ma‘rifetleriyle tahrîr olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’s-sâlis ve’l-ışrîn min-Cumâdelûlâ sene semân ve hamsîn ve mi’e ve elf. Köhne anteri 1, ve gömlek 1 150 akçe Camus öküzü, 1 1.660 akçe Araba 240 akçe Cem‘an: 2.050 akçe. Minhâ ed-düyûn: Techîz ve tekfîn 556 akçe Deyn-i müsbet-i mehr-i müeccel Meblağ: 3.000 Mine’l-guremâ: 378 Deyn-i müsbet-i vakf-ı karye-i mezbûre Meblağ: 3.000 Mine’l-guremâ: 378 Deyn-i müsbet-i Mehmed Beşe Meblağ: 4.840 Mine’l-guremâ: 609 Deyn-i müsbet-i Ali Meblağ: 1.000 Mine’l-guremâ: 126 Cem‘an yekûn: 2.050.