Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 119 Hüküm no: 73 Orijinal metin no: [19a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Annavine’nin oğlu Matos’a üvey babası Zafiri v. Niho’nun vasi ve kayyım tayin edilmesi Havâss-ı Refîʻa kazâsına tâbi‘ Makrihorya nâm karyede mütemekkine iken bundan akdem hâlike olan Annavine bt. Hıristolo’nun sadrî kebîr oğlu olup cezîre-i Kandiye’de mütemekkin Matos’un hisse-i irsiyyesini ahz u kabz, zabt u hıfza ve kendüye îsâle kıbel-i şer‘den bir vasî ve kayyım nasbı lâzım ve mühim olmağın emânet ile ma‘rûf, her vechile vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan üveyi babası işbu râfiʻü’s-sifr Zafiri v. Niho’yu hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri mersûm Matos’un hisse-i irsiyyesini ahz u kabz, zabt u hıfza ve kendüye îsâle vasî ve kayyım nasb u ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’r-râbiʻ min-Cemâziyelâhir sene semân ve hamsîn ve mi’e ve elf. Şuhûdü’l-hâl: Süleyman Efendi b. İsmail İmâm, el-Hâc Mustafa b. İsmail, Mehmed Çelebi b. Ahmed, es-Seyyid Mehmed b. es-Seyyid Mustafa, Yusuf b. Abdullah.