Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 120 Hüküm no: 74 Orijinal metin no: [19a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mumcu tâifesinden Kosta v. Yani’nin kızkardeşi Fotine’ye kalan terekesi Havâss-ı Refîʻa kazâsı mülhakātından Yedikule hâricinde mumcu tâifesinden olup bundan akdem hâlik olan Kosta v. Yani’nin li-ebeveyn kız karındaşı ve hasren vârisi olup vilâyet-i Rumeli’de Agrafa kazâsında mütemekkine Fotine’nin hisse-i irsiyyesini ahz u kabz, hızf u zabt ve kendüye îsâle bâ-hüccet-i şer‘iyye vasiyy-i muhtârı olan Süleyman Beşe b. Ahmed taleb ve ma‘rifetiyle tahrîr ve takvîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’r-râbiʻ min-Cemâziyelâhir sene semân ve hamsîn ve mi’e ve elf. Köhne beledî yasdık, 2 240 akçe Minder, 1 360 akçe Köhne kilim, 1 120 akçe Köhne kebe, 1 200 akçe Tahta sandık, 1 60 akçe Köhne dîmî, 1 60 akçe Köhne anteri, 1 80 akçe Köhne kalpak ma‘a kuşak 40 akçe Fitillik penbe ipliği, 55 kıyye, fî: 90 4.950 akçe Şemʻ-i revgan, 100 kıyye, fî: 24 2.400 akçe Hatab, 20 çeki, fî: 90 1.800 akçe Kakırdak 525 akçe Mum, 90 kıyye 270 akçe Cem‘an yekûn: 11.105 akçe. Yalnız on bir bin yüz beş akçedir. Minhâ el-mesârif: Hâlik-i mezbûrun lâşesini ilkā-i hafr için masrûf 720 akçe Resm-i kısmet 280 akçe Harc-ı hüccet-i vesâyet 360 akçe Tahlîs-i beytülmâl için verilen 600 akçe Kalemiye-i kâtib 150 akçe Çukadâriye ve hüddâmiye 120 akçe Kaydiye-i defter ve hüccet 30 akçe Yekûn: 2.260 akçe. Yalnız iki bin iki yüz [altmı]ş akçedir. Sahhe’l-bâkī: 8.845 akçe. Mezbûre Fotine’nin hissesine isâbet eden.