Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 126 Hüküm no: 80 Orijinal metin no: [20b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Bey’in vasisi olduğu Mehmed Emin’e babası ile halasından intikal eden mirası teslim alması Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Câmi‘-i Kebîr Mahallesiʼnde sâkin iken bundan akdem vefât eden Mustafa Ağa b. İbrahim’in sulbî sagīr oğlu Mehmed Emin’in ammetesi ve vasiyyesi olan Rahime Hatun bt. İbrahim fevt olup umûr-ı vesâyet hâli ve muʻattal kalmağla sagīr-i mezbûrun akrabâsından olup kıbel-i şer‘den bâ-hüccet-i şer‘iyye vasîsi nasb olunan fahrü’l-akrân İbrahim Bey b. Selim Ağa sagīr-i mezbûrun babası mezbûr Mustafa Ağa ile ammetesi müteveffât-ı sâniye merkūme Halime Hatun’dan müntakil mevrûsundan vasiyy-i mezbûr İbrahim Bey’in kabz eylediği zimem ve nakiddir ki ber-vech-i âtî zikr olunur. Fi’l-yevmi’s-sâlis aşer min-Cemâziyelâhir sene 1158. Der-zimmet-i Mehmed Efendi 12.000 akçe Der-zimmet-i Tatarzâde İbrahim Çelebi 12.000 akçe Der-zimmet-i Ali Beşe, yağ? 2.400 kıyye 3.720 akçe Sa‘at 1 Kıymet 2400 Ammetesi mezbûre Rahime’den isâbet eden 7.200 akçe Cem‘an yekûn: 37.320 akçe. Otuz yedi bin üç yüz yirmi akçedir. İhrâcât: Harc-ı defter, harc-ı hüccet-i vesâyet ve nafaka 900 akçe Kalemiye 180 akçe Hüddâmiye 90 akçe Kaydiye-i defter ve hüccet 45 akçe Yekûn: 1.215 [akçe]. Sahhe’l-bâkī: 36.105. Bi-yedi’l-vasî otuz altı bin yüz beş akçedir.