Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 145 Hüküm no: 100 Orijinal metin no: [25a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Beşe’nin vasisi olduğu Süleyman’a nafaka tahsis edilmesini istemesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de el-Hâc Hüsrev Mahallesiʼnde sâkin iken bundan akdem vefât eden Hüseyin Beşe b. Mehmed’in sulbî sagīr oğlu Süleyman’ın hâli ve tesviye-i umûruna bâ-hüccet-i şer‘iyye vasîsi olan işbu râfiʻü’l-kitâb Hüseyin Beşe b. Receb meclis-i şer‘-i şerîf-i enverde takrîr-i kelâm ve tâʻbir ani’l-merâm edip vasîsi olduğum sagīr-i mezbûrun nafaka ve kisve-bahâya eşedd-i ihtiyâcı olmağla mutasarrıf olduğu ulûfesinden ve menzil icâresinden kadr-i ma‘rûf nafaka ve kisve-bahâ farz ve takdîr olunmak matlûbumdur dedikde vasiyy-i mezbûrun kelimât-ı meşrûhası vâkıʻa mutâbık idiği zeyl-i kitâbda muharrerü’l-esâmî Müslimîn ihbârlarıyla lede’ş-şer‘i’l-enver zâhir ve mukarrer olmağın hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sagīr-i mezbûrun mutasarrıf olduğu ulûfesinden ve menzil icâresinden beher yevm on akçe nafaka ve kisve-bahâ farz ve takdîr buyurup meblağ-ı mefrûz-ı mezbûru sagīr-i mezbûrun nafaka ve kisve-bahâsına harc u sarfa ve lede’l-iktizâ istidâneye ve inde’z-zafer mâlına rücû‘a vasiyy-i mezbûra izin vermeğin mâ-vaka‘a bi’t-taleb ketb olundu. Fi’l-yevmi’s-sâmin ve’l-ışrîn min-Recebi’l-ferd li-sene semân ve hamsîn ve mi’e ve elf. Şuhûdü’l-hâl: Şâhidûn-ı sâbıkūn.