Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 175 Hüküm no: 128 Orijinal metin no: [32b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Davur v. Agop adlı Ermeninin vârislerine taksim edilen terekesi Taşçı tâifesinden olup Yenikapı hâricinde mütemekkin iken bundan akdem hâlik olan Davur v. Agop nâm Ermeninin verâseti zevce-i metrûkesi Agniya bt. Manuk ile sulbiye kebîre kızı Tano’ya ve vilâyet-i Anadolu’da Kayseri’de mütemekkin li-ebeveyn er karındaşı Kirkor’a münhasıra olduğu şer‘an zâhir ve müteʻayyen oldukdan sonra mersûm Kirkor’un hisse-i irsiyyesini ahz u kabz, zabt u hıfza kıbel-i şer‘den bâ-hüccet-i şer‘iyye vasî ve kayyım nasb olunan Asvador v. Avak nâm Ermeni ile zevcesi ve kızı mezbûretân taleb ve ma‘rifetleriyle tahrîr ve taksîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’t-tâsiʻ ve’l-ışrîn min-Ramazani’l-mübârek sene semân ve hamsîn ve mi’e ve elf. Kazma, 6 360 akçe Tokmak, 2 180 akçe Sagīr tencere 90 akçe Demir küskü, 1 300 akçe Saman, 50 kantar 2.250 akçe Şa‘îr, 80 keyl fî: 30 2.400 akçe Molos taş 2.500 akçe Tabak, kapak 300 akçe Hımâr ma‘a bârgir, 13 aded 15.600 akçe Hırdavât-ı demir 1.000 akçe Cem‘an yekûn: 24.980 akçe. Minhâ el-ihrâcât: Hâlik-i mesfûrun lâşesini ilkā-i hafr için masrûf 720 akçe Resm-i kısmet 600 akçe Tahlîs-i beytülmâl 720 akçe Harc-ı hüccet-i vesâyet ve nezâret 480 akçe Kalemiye-i defter ve hüccet 360 akçe Çukadâriye 180 akçe İhzâriye 100 akçe Kaydiye-i defter ve hüccet 60 akçe Cem‘an yekûn: 3.220 akçe. Sahhe’l-bâkī li’t-taksîm beyne’l-verese: 21.760 akçe. Hissetü’z-zevceti’l-mezbûre 2.720 akçe Hissetü’l-binti’l-mezbûre 10.880 akçe Hissetü’l-ahi’l-mezbûr 8.160 akçe