Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 176 Hüküm no: 129 Orijinal metin no: [33a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hırsane bt. Yorgi ile oğlu Yorgi’nin vârislere taksim edilen terekeleri Derûn-ı defterde olan hâlike-i mesfûre Hırsane bt. Yorgi nâm Nasrâniye’nin verâseti zevc-i metrûku mesfûr Manol v. Makrabet nâm zimmî ile sadrî sagīr oğulları Yorgi ve Nikola’ya münhasıra oldukdan sonra sagīr-i mezbûr Yorgi dahi hâlik olup verâseti babası mersûm Manol nâm zimmîye münhasıra olduğu şer‘an zâhir ve müteʻayyen oldukdan sonra sagīr-i mezbûr Nikola’nın babası ve tesviye-i umûruna mansûb vasî olan mesfûr Manol taleb ve ma‘rifetiyle tahrîr ve taksîm olunan hâlike-i mesfûre Hırsane nâm Nasrâniye’nin sonradan zuhûr eden terekesidir ki vech-i âtî zikr olunur. Fi’l-yevmi’s-sâmin min-Şevvâli’l-mükerrem sene semân ve hamsîn ve mi’e ve elf. Telli hatâî köhne anteri 360 akçe Köhne beyâz anteri 80 akçe Köhne hâre ferâce 600 akçe Def‘a köhne hâre anteri 150 akçe Tencere, tabak ve sahan 4 380 akçe Gömlek ma‘a don 2 ve uçkur 300 akçe Kilim, 1 100 akçe Döşek, 1 380 akçe Beledî yasdık, 4 240 akçe Köhne çuka biniş, 1 150 akçe Köhne sepet sandık, 1 50 akçe Minder 210 akçe Cem‘an yekûn: 3.000 akçe. Minhâ el-ihrâcât: Resm-i âdî 75 akçe Kalemiye ve hüddâmiye ve kaydiye 45 akçe Harc-ı hüccet-i nafaka 120 akçe Yekûn: 240 akçe. Sahhe’l-bâkī li’t-taksîm beyne’l-verese: Hissetü’l-mezbûr Manol 665 akçe. Zevcesinden 997 akçe. Yorgi’den Hissetü’l-mezbûr Nikola 997 akçe