Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 182 Hüküm no: 134 Orijinal metin no: [34a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefât eden Hüseyin Ağa’nın küçük kızı Zeyneb’e kardeşi Mehmed Ağa’nın vasi tayin edilmesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Aşcıbaşı Mahallesiʼnde sâkin iken bundan akdem vefât eden Hüseyin Ağa b. Hasan’ın sulbiye sagīre kızı Zeyneb’in tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûf ve diyânet ile mevsûf her vechile vesâyet uhdesinden gelmeğe kādir idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan sagīre-i mezbûrenin karındaşı [34b] işbu râfiʻü’l-kitâb Mehmed Ağa b. el-mezbûr Hüseyin Ağa’yı hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sagīre-i mezbûrenin tesviye-i umûruna vasî nasb u ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesini kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâmin aşer min-Ramazani’l-mübârek sene semân ve hamsîn ve mi’e ve elf. Şuhûdü’l-hâl: Ahmed Ağa [b.] Mustafa, Süleyman Çelebi b. Musa, el-Hâc Mustafa b. Musa, Bostanî Mehmed Ağa b. Cafer, Mustafa Efendi b. Hüseyin.