Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 240 Hüküm no: 190 Orijinal metin no: [47b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamide Hatun bt. Mustafa’nın vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Câmi‘-i Kebîr Mahallesiʼnde sâkine iken bundan akdem vefât eden Hamide Hatun bt. Mustafa’nın verâseti zevc-i metrûku fahrü’l-akrân Çorbacı İbrahim Ağa b. Mehmed ile vilâyet-i Rumeli’nde Bender kasabasında sâkin babası mezbûr Mustafa Ağa’ya münhasıra olduğu tahakkukundan sonra mezbûr Mustafa Ağa’nın hisse-i irsiyyesini ahz u kabz ve zabt u hıfza kıbel-i şer‘den vasî ve kayyım nasb olunan mezbûr Çorbacı İbrahim Ağa ile üzerine kıbel-i şer‘den hasbî nâzırı olan müteveffât-ı mezbûrenin karındaşı ve mezbûr Mustafa Ağa’nın oğlu Hüseyin Beşe taleb ve ma‘rifetleriyle tahrîr ve takvîm olunan tereke-i müteveffât-ı mezbûredir ki ber-vech-i âtî zikr olunur. Fi’l-yevmi’l-hâmis ve’l-ışrîn min-Zilhicceti’ş-şerîfe sene semân ve hamsîn ve mi’e ve elf. Çuka ferâce, 2 1.100 akçe Telli hatâî müsta‘mel anteri, 1 520 akçe Def‘a anteri, 1 200 akçe Cübbe, 1 814 akçe Def‘a köhne cübbe, 1 125 akçe Yalancı kākum cübbe kürk, 1 600 akçe Sim kuşak 1, 9 dirhem 270 akçe Def‘a sim kuşak, 1 165 akçe İnci kuşak, 1 1.600 akçe Zümrüd küpe, 1 960 akçe Köhne yasdık, 4 400 akçe Beledî döşek, 1 300 akçe Yorgan kutnî ve yemenî, 2 600 akçe İslimye keçesi, 1 600 akçe Kapaklı Bosna sahan, 6 480 akçe Lengerî, 1 60 akçe Tencere bâ-kapak, 3 300 akçe Tâbe, 1 50 akçe Sini, 1 150 akçe Leğen bâ-ibrik, 1 120 akçe Seccâde, 1 240 akçe Yanya zarfı 4 ma‘a fincan 50 akçe Şamʻdân, 1 30 akçe Mehr-i müeccel der-zimmet-i zevcü’l-mezbûr 6.000 akçe Cem‘an yekûn: 15.734 akçe. Minhâ el-ihrâcât: Iskāt-ı salât ve ta‘mîr-i kabr ber-mûceb-i vasiyyet 1.800 akçe Resm-i âdî 400 akçe Kalemiye ve çukadâriye ve hüddâmiye 147 akçe Kaydiye-i defter 12 akçe Sahhe’l-bâkī li’t-taksîm beyne’l-verese: 13.375 akçe. Hissetü’z-zevci’l-mezbûr 6.687 akçe Hissetü ebi’l-mezbûr 6.687 akçe