Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 257 Hüküm no: 207 Orijinal metin no: [51b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Memleketi İştib’e gidip dönmeyen Bostancı Cafer’in vasi ve kayyım tayin edilerek tahrir olunan terekesi Vilâyet-i Rumeli’nde İştib kazâsı ahâlîsinden olup Havâss-ı Refîʻa kazâsı muzâfâtından Terkos nâhiyesine tâbi‘ Şamlar karyesi sâkinlerinden Bostanî Cafer b. Ömer nâm kimesne sıla-yı rahm etmek üzere vilâyet-i mezbûra gidip on dört aydan berü hayât memâtı ma‘lûm olmayıp mefkūd olmağla zevce-i mezbûre yedinde mevcûd olan terekesi telef ve zâyiʻ ihtimâli olmağla mezbûr Cafer’in hayât memâtı ma‘lûm olunca terekesi tahrîr ve zâyiʻ ihtimâli gālib olmağla kıbel-i şer‘den zabt u hıfza vasî ve kayyım nasb olunan zevce-i mezbûre Ümmügülsüm Hatun ile Bostancıbaşı ağa hazretleri taraflarından ta‘yîn buyurdukları Çukadâr el-Hâc Ali Ağa taleb ve ma‘rifetleriyle tahrîr olunan defteridir ki ber-vech-i âtî zikr olunur. Fi’l-yevmi’s-sâbiʻ min-Muharremi’l-harâm li-sene tisʻa ve hamsîn ve mi’e ve elf. Kısrak, 1 720 akçe Siyah kara sığır ineği, 1 1.250 akçe Beyâz kara sığır ineği, 1 450 akçe Kara sığır düvesi, 2 1.020 akçe Semer, 1 30 akçe Balık ağı, 1 150 akçe Palaska, 1 30 akçe Bıçak, 1 48 akçe Çuval, 4 144 akçe Zıbkın ve orak 48 akçe Orak 15 akçe Duhân 60 akçe Araba 71 akçe Kovan arısı, 10 970 akçe Küfe sepet 51 akçe Der-zimmet-i Osman Beşe 3.120 akçe Cem‘an yekûn: 8.177 akçe. [52a] Minhâ el-ihrâcât: Resm-i âdî 216 akçe Bostancıbaşı hazretleri tarafına verilen 420 akçe Ücret-i bârgir 360 akçe Kalemiye 180 akçe Çukadâriye 120 akçe Muhzıriye 90 akçe Kaydiye 15 akçe Dellâliye ve taʻâmiye ve sâir mesârif-i lâzıme 540 akçe Bostancıbaşı ağa çukadârı ma‘rifetiyle karye-i mezbûr zâbiti Hacı Hüseyin’in müsbet olan hakkından kabz eylediği meblağ 480 akçe Yekûn: 2.421 akçe. Sahhe’l-bâkī: 5.756 akçe. Vech-i meşrûh üzere zikr olunan meblağ-ı mezbûr beş bin yedi yüz elli altı akçenin üç bin yüz yirmi akçesi bâlâda mezkûr Osman Beşe zimmetinde olmağla bu mahalle şerh verildi.