Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 261 Hüküm no: 211 Orijinal metin no: [52b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha Hatun’un vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Evlice Baba Mahallesiʼnde sâkine iken bundan akdem vefât eden Sâliha Hatun bt. Mustafa’nın verâseti zevc-i metrûku Ali Beşe b. Mehmed ile vâlidesi Ümmühani Hatun bt. Mustafa’ya ve sadrî sagīr oğulları Ali ve Mehmed’e ve sadriye sagīre kızı Fâtıma’ya münhasıra olduğu şer‘an zâhir ve müteʻayyen oldukdan sonra sagīrân-ı mezbûrânın babaları ve tesviye-i emirlerine bâ-hüccet-i şer‘iyye mansûb vasîleri olan mezbûr Ali Beşe ile sagīr-i mezbûr Ali’nin ceddesi ve tesviye-i umûruna mansûbe vasiyyesi olan mezbûre Ümmühani Hatun taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki ber-vech-i âtî zikr olunur. Fi’l-yevmi’t-tâsiʻ ve’l-ışrîn min-Zilhicceti’ş-şerîfe sene semân ve hamsîn ve mi’e ve elf. Köhne ferâce, 1 63 akçe Kutnî müsta‘mel anteri, 1 153 akçe Köhne beledî yasdık, 3 240 akçe Köhne kırmızı ihrâm, 1 33 akçe Köhne serpûş, 1 3 akçe Köhne peştemâl, köhne ferâce ve köhne çarşeb 30 akçe Def‘a köhne anteri, 1 15 akçe Def‘a köhne beledî yasdık, 3 200 akçe Tencere bâ-kapak 120 akçe Def‘a tencere bâ-kapak 93 akçe Kahve ibriği ma‘a tuç sahan 2 ve su tası 1 57 akçe Tâbe, 1 28 akçe Çıkrık, tandır ve yassı ağaç ve tahta tabla 27 akçe Köhne minder ma‘a köhne yorgan, 2 45 akçe Hırdavât 15 akçe Köhne sandık, 1 66 akçe Menzil semeninden zevc-i mezbûr Ali Beşe zimmetinde 3.000 akçe Ferâce semeninden zevc-i mezbûr Ahmed Beşe zimmetinde 840 akçe Der-zimmet-i mehr-i müeccel 1.200 akçe Cem‘an yekûn: 6.302 akçe. Minhâ el-ihrâcât: Resm-i âdî 156 akçe Kalemiye-i kâtib 45 akçe Çukadâriye 30 akçe İhzâriye 18 akçe Harc-ı hüccet-i vesâyet 180 akçe Kaydiye-i defter-i hüccet 15 akçe Dellâliye ve hammâliye 42 akçe Sâir mesârif-i lâzıme 100 akçe Yekûnü’l-mesârif: 586 akçe. Sahhe’l-bâkī li’t-taksîm beyne’l-verese: 5.716 akçe. Hissetü’z-zevci’l-mezbûr 1.429 akçe Hissetü’l-ümmi’l-mezbûre 952 akçe Hissetü’l-ibni’l-mezbûr 1.334 akçe Hissetü’l-ibni’l-mezbûr 1.334 akçe Hissetü’l-binti’l-mezbûre 667 akçe