Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 262 Hüküm no: 212 Orijinal metin no: [53a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vasil v. Dimo’nun vârislerine taksim edilen terekesi Havâss-ı Refîʻa kazâsına tâbi‘ Litros karyesinde mütemekkin iken bundan akdem hâlik olan Vasil v. Dimo’nun verâseti zevcesi Tarandafile bt. Foti ile sulbiye kebîre kızları Ferşoni ve Marye ve sagīr oğulları Kostantin ve Yani’ye münhasıra olduğu şer‘an zâhir ve müteʻayyen oldukdan sonra sagīrân-ı mezbûrânın tesviye-i emirlerine kıbel-i şer‘den vasî nasb olunan hâlik-i mezbûrun dâmâdı İlya v. Goryo nâm zimmî ile ber-vech mesfûre Tarandafile nâm Nasrâniye taleb ve ma‘rifetler[iyle] tahrîr ve takvîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’l-hâmis aşer min-Muharremi’l-harâm sene tisʻa ve hamsîn ve mi’e ve elf. Ham sirke, 160 kıyye ma‘a fıçı 480 akçe Def‘a ham sirke, 30 kıyye ma‘a fıçı 100 akçe Fıçı ma‘a câre? 120 akçe Bir mikdâr hatab 200 akçe Âlât-ı dükkân-ı bakkāl 200 akçe Bir mikdâr kömür 150 akçe Şa‘îr, 4 keyl 150 akçe Def‘a ham sirke ma‘a fıçı, 13 müdre 400 akçe Cem‘an yekûn: 1.800 akçe. Minhâ el-ihrâcât: Resm-i âdî 45 akçe Karye-i mezkûra giden kâtibe ücret ve kalemiye ve çukadâriye ve hüddâmiye 120 akçe Harc-ı vesâyet 100 akçe Ücret-i bârgir 90 akçe Kaydiye-i defter 12 akçe Muhamminiye ve sâir mesârif-i lâzıme ( ) Yekûnü’l-mesârif: 480 akçe. Sahhe’l-bâkī li’t-taksîm beyne’l-verese: 1.320 akçe. Hissetü’z-zevceti’l-mezbûre 160 akçe Hissetü’l-ibni’l-mezbûr 384 akçe Hissetü’l-ibni’l-mezbûr 384 akçe Hissetü’l-binti’l-mezbûre 192 akçe Hissetü’l-binti’l-mezbûre 192 akçe