Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 282 Hüküm no: 231 Orijinal metin no: [58a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Amasya kazasında vefât eden Kurşuncu Osman Çelebi’nin vârislerine taksim edilen terekesi Medîne-i Hazret-i Ebî Eyyüb el-Ensârî -radiye anhu rabbihi’l-bârî-’de Fethi Çelebi Mahallesi sâkinlerinden olup vilâyet-i Anadolu’da Amasya kazâsında vefât eden Kurşuncu Osman Çelebi b. Ali’nin verâseti zevce-i menkûha-i metrûkesi Fâtıma Hatun bt. Mehmed ile vâlidesi Emetullah Hatun bt. Abdullah’a ve sulbî sagīr oğulları Numan ve Mustafa’ya münhasıra olduğu şer‘an zâhir ve müteʻayyen oldukdan sonra sagīrân-ı mezbûrânın vâlideleri ve tesviye-i emirlerine kıbel-i şer‘den mansûb vasîleri olan mezbûre Fâtıma Hatun ve merkūme Emetullah Hatun taleb ve ma‘rifetleriyle tahrîr ve taksîm olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’l-ışrîn min-Saferi’l-hayr li-sene tisʻa ve hamsîn ve mi’e ve elf. Kırmızı biniş kürk, 1 1.560 akçe Köhne beyâz sâde, 1 192 akçe Lâciverd çuka biniş, 1 900 akçe Mâî çuka nimten, 1 540 akçe Çuka cübbe göcen kürk, 1 1.200 akçe Şam alacası, 1 600 akçe Çakşır, 1 600 akçe Kavuk, 1 105 akçe Sim bıçak 720 akçe Amasya kazâsından gelen nakid 2.400 akçe Nısf menzil der-mahalle-i mezbûr ber-vech-i tahmîn 12.000 akçe Cemen yekûn: 20.817. Yalnız yirmi [bin] sekiz yüz on yedi akçedir. #&# Minhâ el-ihrâcât: Resm-i âdî 520 akçe Kalemiye-i kâtib 180 akçe Çukadâr[iye] 120 akçe İhzâriye 60 akçe Dellâliye-i eşyâ 126 akçe Harc-ı vesâyet 144 akçe Kaydiye-i defter 30 akçe Yekûn: 1.180 akçe. Yalnız bin yüz seksen akçedir. Sahhe’l-bâkī li’t-taksîm beyne’l-verese: 19.637 akçe. Hissetü’z-zevceti’l-mezbûre 2.454 akçe Hissetü’l-ümmi’l-mezbûre 3.272 akçe Hissetü’l-ibni’l-mezbûr 6.955 akçe Hissetü’l-ibni’l-mezbûr 6.955 akçe Mezbûre Emetullah Hatun bâlâda mezkûr üç bin iki yüz yetmiş iki akçe hisse-i irsiyyesini sagīrân-ı mezbûrâna hibe ve vasiyyeleri mezbûre Fâtıma Hatun’a teslîm olunduğu işbu mahalle şerh [verildi].