Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 330 Hüküm no: 269 Orijinal metin no: [69b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Tanaş’ın ölümü sonrası küçük oğluna vasi vasi tayin edilmesi Havâss-ı Refîʻa kazâsına tâbi‘ Karık karyesinde mütemekkin iken bundan akdem hâlik olan Yani v. Tanaş nâm zimmînin sulbî sagīr oğlu Koşta’nın tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûf ve her vechile uhdesinden gelmeğe kādire idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan sagīr-i mezbûrun ammisi işbu râfiʻü’s-sifr Yamandi v. Tanaş nâm zimmîyi hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sagīr-i mezbûrun tesviye-i umûruna vasî nasb u ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâmin min-Rebîʻülâhir li-sene tisʻa ve hamsîn ve mi’e ve elf. Şuhûdü’l-hâl: Ahmed Efendi b. Mustafa Efendi, Mustafa Efendi b. Hüseyin, es-Seyyid Mehmed [b.] es-Seyyid Mustafa, Hüseyin Çelebi b. Mehmed, Halil Efendi el-Mukayyid.