Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 359 Hüküm no: 300 Orijinal metin no: [78a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Ahmed Ağa’nın çiftliğinde kiracı iken firar eden Selim’in terekesi Havâss-ı Refîʻa kazâsından Amindos nâm karyede vâki‘ zuʻamâdan Hadîkī el-Hâc Ahmed Ağa b. Feyzullah’ın çiftliğinde müstecir iken târîh-i rakīmden yirmi gün mukaddem firâr ve gaybet eden Selim nâm kimesnenin tereke-i mevcûdesinin mimmâ yuhâfu aleyhi’l-helâk [78b] olanı beyʻ ve olmayanı aynla hıfz olunmak iktizâ etmekle zabt u hıfza kıbel-i şer‘den vasî ve kayyım nasb olunan mezbûr Za‘îm el-Hâc Ahmed Ağa taleb ve ma‘rifetiyle ve çiftçiler kethüdâsı vekîl Ali Ağa ve sâir ehl-i vukūfun takvîmleri üzere tahrîr olunan eşyâ-i mevcûdesi defteridir ki ber-vech-i âtî zikr olunur. Fi’l-yevmi’s-sâdis ve’l-ışrîn min-Rebîʻülâhir sene 1159. Köhne çuval 10 aded Çekel 4 aded Sagīr saban demiri 6 aded Kebîr saban demiri 1 aded Çirşine? 1 aded Balta 4 aded Burgu 4 aded Testere 1 aded Yularlı keser 1 aded Askı 2 aded Sagīr burgu 3 aded Çalı tırpanı 2 aded Sagīr keser 1 aded Demir dirgen 3 aded Kazma 1 aded Kantar 1 aded Camus yuları 1 aded Tarak 1 aded Çapa 1 aded Törpü 1 aded Urgan 2 aded Saban 4 aded Araba 4 aded Düğen 3 aded Zenbur ma‘a kovan 4 aded Tekerlek 4 aded Âbist 30 aded Dakīk, keyl 4 aded Araba kanadı 1 çift Demir tırmık 1 aded Kaz 7 aded Karasığır öküzü 1 çift Camus öküzü 1 tek Camus düğesi 1 aded Tavuk 10 aded Natas?, keyl 26 Tahrîr ve takvîm olunan arâzi-i ma‘lûmede olan mezrû‘âtdır ki zikr olunur: Mezrû‘ hınta, 90,5 keyl, fî: 210 19.005 akçe Şa‘îr-i mezrû‘, 27 keyl, fî: 180 10.260 akçe Mezrû‘ alef, 60 keyl, fî: 100 6.000 akçe Burçak, 7 keyl, fî: 120 840 akçe Cem‘an yekûn: 36.105. Minhâ el-ihrâcât: Harc-ı defter 740 akçe Kalemiye 240 akçe Hüddâmiye ve çukadâriye ve kaydiye 180 akçe Ücret-i bârgir 240 akçe Muhamminiye ve sâir mesârif-i lâzıme 680 akçe Yekûn: 2.080. Yalnız iki bin seksen akçedir. Sahhe’l-bâkī: 34.025. Yalnız otuz dört bin yirmi beş akçedir. Şuhûdü’l-hâl: el-Hâc Ali b. el-Hâc Mustafa, Mehmed Ağa b. Mustafa, Mehmed Beşe b. Ali, Ali Ağa b. ( ) Vekîl, Halil Ağa b. Ömer Korucu, Süleyman Beşe b. Halil, Mehmed Çelebi b. Veli, Bostanî Mehmed b. İsmail.