Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 381 Hüküm no: 325 Orijinal metin no: [85a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hanım’ın vefâtıyla küçük kızı Râbia’ya babasının vasi tayin edilmesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Servi Mahallesiʼnde sâkine iken bundan akdem vefât eden Fâtıma Hanım bt. Mustafa Bey’in sadriye sagīre kızı Râbia’nın tesviye-i umûruna kıbel-i şer‘den bir vasî nasbı lâzım ve mühim olmağın sagīre-i mezbûrenin babası olup mahmûdü’l-hâl idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan işbu râfiʻü’l-kitâb Mustafa Çelebi b. Hüseyin’i hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sagīre-i mezbûrenin tesviye-i umûruna vasî nasb u ta‘yîn buyurduklarında ol dahi [85b] ber-vech-i muharrer vesâye-i mezbûreyi kabûl ve hizmet-i lâzımesin kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâbiʻ aşer min-Rebîʻülâhir sene tisʻa ve hamsîn ve mi’e ve elf, 1159. Şuhûdü’l-hâl: Eş-Şâhidûnü’s-sâbıkūn.