Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 143 Hüküm no: 117 Orijinal metin no: [13b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe’nin Ali Beşe b. Mehmed’e olan borcunu ödemesi Maʻrûz; Kolluk mübâşeretiyle Eyüb mahkemesine ihzâr olunan İbrahim Beşe b. Ali nâm kimesneden hasmı Ali Beşe b. Mehmed nâm kimesne mezbûr İbrahim Beşe zimmetinde yedimden iştirâ ve kabz eylediği pastırma semeninden on guruş on beş para ve cihet-i karzdan dahi on dört guruşla min-haysü’l-mecmûʻ yirmi beş guruş on beş para hakkım vardır taleb ederim deyü daʻvâ, ol dahi ikrâr etmeğin mûcebince meblâğ-ı mezbûr yirmi beş guruş on beş paranın edâsıyla mezbûr İbrahim Beşe ilzâm olunduğu baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 16 Rebîʻülevvel sene 1160