Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 142 Hüküm no: 116 Orijinal metin no: [13b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Devlet v. Bedros’un Osman Efendi b. Halil’e olan borcunu ödemesi Maʻrûz; Bâʻisü’l-iʻlâm Osman Efendi b. Halil meclis-i şerʻde Devlet v. Bedros nâm zimmî muvâcehesinde merkūm Devlet târîh-i iʻlâmdan bir sene mukaddem karz olmak üzere yedimden istidâne [ve] kabz ve mesârifine sarfla istihlâk eylediği iki yüz guruş deyni mukābelesinde mahmiye-i İstanbul’da Fâtıma Sultan Mahallesiʼnde vâkiʻ maʻlûmü’l-hudûd ve’l-müştemi[lât] vakıf menzili bana vefâen fâriğ olmuş idi. El-hâletü hâzihî menzil-i mezbûru reʼy-i mütevellî ile ahz edip meblâğ-ı mezbûr ve müctemiʻ yedi guruş ücretden cemʻan iki yüz yedi guruşu taleb ederim deyü daʻvâ etdikde merkūm Devlet dahi ber-vech-i muharrer ikrâr ve meblâğ-ı mecmûʻ-ı mezkûr iki yüz yedi guruşu müddeʻî-i mezbûr Osman Efendi’ye edâ ve teslîme merkūm Devlet zimmî taʻahhüd etdiği Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 14 Rebîʻülevvel sene 1160