Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 147 Hüküm no: 127 Orijinal metin no: [14b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hürmüz, Nikola ve Yamandi isimli zimmîlerin Vasilaki’ye olan borçlarını ödeme konusunda anlaşmaya vardıkları Maʻrûz; Avas karyesi mütemekkinlerinden arzuhâl eden Vasilaki nâm zimmî Cebeci nâm karye ahâlîsinden bir bâb bakkal dükkânının müstecirleri olan Hürmüz ve Nikola ve Hristo ve Yamandi nâm zimmîler ile terâfuʻ etdiklerinde mesfûrûn zimmetlerinde altmış senesi rûz-ı Hızırı’na değin taht-ı icârelerinde olan dükkân icâresinden ve dahi yedimden iştirâ ve kabz etdikleri maʻlûmü’l-müdre ham sirke bahâsından baʻde külli hesap bâ-temessük yüz seksen guruş hakkım vardır taleb ederim deyü eylediği daʻvâsını mesfûrûn baʻde’l-inkâr vesâtet-i muslihîn ile müddeʻî-i mesfûr Vasilaki daʻvâ-yı mezbûresinden müstecirler mesfûrûn Hürmüz ve Nikola ve Hristo ve Yamandi ile yüz kırk beş guruşa sulh-i sahîh ile sulh onlar dahi ber-minvâl-i muharrer sulh-i mezbûru kabûl ve bedel-i sulh olan meblâğ-ı mezbûr yüz kırk beş guruşu müddeʻî-i mesfûr Vasilaki’ye edâ ve teslîm etmek üzere mesfûrûndan Hürmüz müteʻahhid oldukların baʻde’l-ikrâr ve’t-tasdîk tescîl olunduğu huzûr-ı âlîlerine iʻlâm olundu. Fî 25 Rebîʻülevvel sene 1160