Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 148 Hüküm no: 128 Orijinal metin no: [14b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe’ye küfreden Bostancı Mehmed b. Ömer’in cezalandırılması Maʻrûz; Medîne-i Eyüb’de Davud Ağa Mahallesiʼnde sâkine bâʻisü’l-iʻlâm İbrahim Beşe b. Ali nâm kimesne medîne-i mezbûre mahkemesine ihzâr etdirdiği Bostanî Mehmed b. Osman nâm kimesneden mezbûr Ömer târîh-i iʻlâm günü bre anasını ve avradını falan etdiğim deyü cimâʻ lafzıyla şetm etmiş idi mûcib-i şerʻîsini taleb ederim deyü daʻvâ, ol dahi inkâr etdikde müddeʻî-i mezbûr İbrahim Beşe müddeʻâsını lede’t-tezkiye adâletleri zâhir olan İbrahim Halîfe ve Abdi Odabaşı şehâdetleriyle mezbûr Ömer’in muvâcehesinde vech-i şerʻî üzere isbât etmeğin mûcebince mezbûr Ömer’e taʻzîr lâzım olduğu müddeʻî-i mezbûr İbrahim Beşe’nin iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 27 Rebîʻülevvel sene 1160