Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 150 Hüküm no: 135 Orijinal metin no: [15a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çömlekçi Kigork’un Veli Bey’e olan borcunu ödemesi Maʻrûz-ı dâʻî; İşbu bâʻisü’l-iʻlâm Veli Bey nâm kimesne çömlekci tâifesinden Kigork v. Agop nâm zimmî ile Eyüb mahkemesinde meclis-i şerʻde terâfuʻlarında mesfûr Kigork zimmî zimmetinde bâ-temessük cihet-i karzdan altmış sekiz guruş hakkım vardır taleb ederim deyü daʻvâ etdikde lede’l-istintak mesfûr Kigork dahi cihet-i mezkûreden zimmetinde edâsı lâzım meblâğ-ı mezbûr altmış sekiz guruş müddeʻî-i mezbûr Veli Bey’e deyni olduğunu ikrâr ve iʻtirâf etmeğin mûcebiyle meblâğ-ı deyn-i mezbûru müddeʻî-i mezbûra edâ ve teslîm etmek üzere mesfûr Kigork zimmîye tenbîh-i şerʻî-birle medîne-i mezbûre mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sânî min- şehri Rebîʻi’l-âhir li-sene sittin ve miʼe ve elf.