Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 150 Hüküm no: 134 Orijinal metin no: [15a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gemide cezasını çekmekte olan Ali b. İbrahim’in ıslâh-ı nefs ettiğinden affı Maʻrûz-ı dâʻî; Sâdabâd karyesi ahâlîsinden olup altı ay mukaddem sefîne-i Sultaniyeye vazʻ, bâlâ-yı arzuhâlde olan der-kenârda ismi mezkûr Ali b. İbrahim nâm kimesne ıslâh-ı nefs edip baʻde’l-yevm kendi hâlinde olmak üzere taʻahhüdü karyesi imamı Mehmed Efendi ve müezzini es-Seyyid Ahmed ve cemâʻatinden Hüseyin ve Hasan ve Ahmed ve İbrahim ve Mustafa nâm kimesneler baʻde’l-ihbâr mezbûrlardan her biri Ali’nin nefsine ve lede’l- mutâlebe meclis-i şerʻa ihzârına kefîl olmalarıyla mezbûr Ali’nin cürmü af buyrulmak bâbında istidʻâ-yı inâyet etdikleri bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’t-tâsiʻ ve’l-ışrîn min-Rebîʻi’l-evvel li-sene sittin ve miʼe ve elf.