Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 165 Hüküm no: 163 Orijinal metin no: [18b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kıbtî Mustafa’ya küfreden Kıbtî Mehmed’in cezalandırılması Maʻrûz; Medîne-i Eyüb’de Zehra Hatun Mahallesiʼnde sâkin demirci tâifesinden işbu bâʻisü’l-iʻlâm Mustafa nâm Kıbtî medîne-i mezbûre mahkemesinde meclis-i şerʻ-i hatîrde Tâife-i mezbûreden Mehmed nâm Kıbtî muvâcehesinde mezbûr Mehmed bana bre zorba lafzıyla şetm eyledi deyü daʻvâ eyledikde ol dahi ikrâr etmeğin mûcebiyle mezbûr Kıbtî Mehmed’e şerʻan taʻzîr iktizâ eylediği tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’s-sâbiʻ ve’l-ışrîn min-Rebîʻi’l-âhir sene sittin ve miʼe ve elf.