Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 164 Hüküm no: 162 Orijinal metin no: [18a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah’ın Ebûbekir Efendi’den alacağı olduğu yolundaki iddiâsını ispatlayamadığı Maʻrûz; Medîne-i Eyüb’de Kara Süleyman Mahallesiʼnde sâkine Âişe bt. Abdullah nâm hatun meclis-i şerʻa ihzâr etdirdiği Ebûbekir Efendi nâm kimesne ile terâfuʻlarında mezbûr Ebûbekir Efendi zimmetinde cihet-i karz-ı şerʻden kırk guruş hakkım olmağla meblâğ-ı mezbûru taleb ederim deyü daʻvâ ve’l-inkâr müddeʻiye-i mezbûre müddeʻâsını beyândan âciz olmağla talebiyle münkir-i mezbûr Ebûbekir Efendi tahlîf olunup mûcebiyle müddeʻiye-i mezbûre Âişe bilâ-beyyine bî vech muʻârazadan meblâğ [menʻ] olunduğu medîne-i Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis ve’l-ışrîn min-Rebîʻi’l-âhir sene sittin ve miʼe ve elf.