Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 165 Hüküm no: 165 Orijinal metin no: [18b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Es-Seyyid İbrahim’in Dellâk el-Hâc Mehmed’e olan borcunu ödemesi Maʻrûz; Bâʻisü’l-iʻlâm Dellâk el-Hâc Mehmed nâm kimesne meclis-i şerʻ-i hatîrde es-Seyyid İbrahim nâm kimesneden mezbûr es-Seyyid İbrahim yedimden mudârebe tarîkiyle aldığı kırk altı guruşu bi-gayr-ı hakkın kendi mesârifine sarfla istihlâk edip hatta ikrâr dahi etmiş idi. Taleb ederim deyü daʻvâ, ol dahi inkâr etdikde müddeʻî-i mezbûr el-Hâc Mehmed ber-vech-i muharrer müddeʻâsını lede’t-tezkiye adâletleri zâhir olan Kalaycı Mehmed Çelebi b. Hüseyin ve Bakkāl İbrahim b. Mehmed ve Attâr Mustafa b. Mehmed nâm kimesneler şehâdetleriyle mezbûr es-Seyyid İbrahim muvâcehesinde vech-i şerʻî üzere isbât etmeğin mûcebiyle meblâğ-ı mezbûr kırk altı guruşun edâsıyla mezbûr es-Seyyid İbrahim ilzâm olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’l-hâmis ve’l-ışrîn min-Rebîʻi’l-âhir sene sittin ve miʼe ve elf.