Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 166 Hüküm no: 166 Orijinal metin no: [18b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani adlı zimmînin yedinde olup Bakkal Yazıcı Yani’ye aid olduğu ispatlanan katırın sahibine iâdesi Maʻrûz; Hâmilü’l-iʻlâm Bakkāl Yazıcı Yani nâm zimmî medîne-i Eyüb mahkemesine ihzâr-ı şerʻ etdirdiği diğer Yani nâm zimmî ile terâfuʻlarında mezbûr Yani zimmînin yedinde olup mülküm olan işbu müşâhed bir reʼs katırımı medîne-i mezbûrede Otakçılar Çayırı’nda merbût iken mezbûr diğer Yani zikr olunan katırımı çayırdan fuzûlî ahz etmekle bi’l-istihkāk taleb ederim deyü baʻde’d-daʻvâ ve’l-inkâr müddeʻî-i mezbûr müddeʻâsını beynlerinde adâletleri zâhir olan diğer Yani v. Tanaş ve diğer Yani v. Yorgi nâm zimmîler şehâdetleriyle ber-vech-i muharrer vech-i şerʻî üzere baʻde’l-isbât ve’l-half ve’l-hükm mûcebiyle zikr olunan katırı müddeʻî-i mezbûr Yazıcı Yani zimmîye teslîme mezbûr diğer Yani zimmîye tenbîh olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’s-sânî min-Cumâdelûlâ sene sittin ve miʼe ve elf.