Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 167 Hüküm no: 168 Orijinal metin no: [19a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe b. Mehmed’in Veliyüddin Efendi’ye olan borcunu ödemesi Maʻrûz; Mahmiye-i İstanbul’da Molla Gürânî Mahallesiʼnde sâkin bâʻisü’l-iʻlâm Veliyüddin Efendi medîne-i Eyüb mahkemesine ihzâr etdirdiği Havâss-ı aliyye’ye tâbiʻ Kara Ahmedli karyesinde sâkin Mustafa Beşe b. Mehmed muvâcehesinde mezbûr Mustafa Beşe zimmetinde bâ-temessük otuz yedi guruş hakkımı asâleten ve vasîsi olduğum Hüseyin nâm sagīrin karye-i mezbûrede vâkiʻ çiftliğinde sâkin olduğu yirmi ayda müctemiʻ icâreden sekiz guruşu vesâyeten mezbûr Mustafa Beşe’den daʻvâ eylediğinde mezbûr Mustafa Beşe dahi ber-vech-i muharrer ciheteyn-i mezkûreteynden ol mikdâr deyni olduğunu ikrâr ve iʻtirâf etmekle mûcebiyle meblâğayn-i mezbûreteynin edâsıyla mezbûr Mustafa Beşe baʻde’l-ilzâm ve’t-tescîl bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fî selh-i Rebîʻi’l-âhir sene sittin ve miʼe ve elf.