Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 167 Hüküm no: 170 Orijinal metin no: [19a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mandıracı Ali Beşe’nin alacağının bir kısmından vazgeçtiği Maʻrûz; Mandıracı tâifesinden Ali Beşe b. Mustafa meclis-i şerʻde bâʻisü’l-iʻlâm Kaymakcı Mustafa Beşe b. Mehmed muvâcehesinde yedimden iştirâ ve kabz eylediği bir reʼs kır bargir semeni otuz bir guruş hakkımın yirmi beş guruşunu mezbûr Mustafa Beşe yedinden baʻde’l-ahz u kabz bâkī altı guruş mutâlebesinden mezbûr Mustafa Beşe’nin zimmetini ibrâ eyledim deyü baʻde’l-ikrâr ol dahi tasdîk eylediği Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî selh-i min-Rebîʻi’l-âhir sene sittin ve miʼe ve elf.