Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 174 Hüküm no: 186 Orijinal metin no: [20b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarraf Manok’un Mustafa Beşe’ye olan borcunu ödemesi Maʻrûz; Bâʻisü’l-iʻlâm Mustafa Beşe Eyüb mahkemesine ihzâr etdirdiği Sarraf Manuk zimmî muvâcehesinde merkūm Manuk zimmetinde beher vakıyyesi yüz ellişer akçeden mecmûʻ on bir vakıyye duhân semeninden bin altı yüz elli akçe hakkım olmağla taleb ederim deyü daʻvâ etdikde merkūm Manuk zimmî dahi ber-vech-i muharrer ikrâr lâkin müddeʻî-i mezbûr Mustafa Beşe’nin beynimizde cihet-i maʻlûmeden bana ol mikdâr deyni olmağla deyne takāsan ahz eyledim deyü eylediği defʻini beyâna kādir olmamağla talebiyle müddeʻî-i mezbûr Mustafa Beşe baʻde’t-tahlîfü’ş-şerʻî mûcebiyle meblâğ-ı mezbûrun edâsıyla merkūm Manuk zimmî baʻde’l-ilzâm ve’t-tescîl bi’l-iltimâs huzûr-ı âlîlerine iʻlâm olundu. Fî 7 Cemâziyelevvel sene 1160