Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 174 Hüküm no: 185 Orijinal metin no: [20b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostanî Mehmed Reis’in Ayşe bt. Veliyüddin’e olan borcunu ödemesi Maʻrûz; Bâʻisetü’l-iʻlâm Âişe bt. Veliyüddin kebîr oğlu Bostanî Mehmed b. el-Hâc Mehmed muvâcehesinde mezbûr Bostanî Mehmed zimmetinde cihet-i karz-ı şerʻîden yüz on altı guruş hakkım olmağla taleb ederim deyü daʻvâ etdikde ol dahi meblâğ-ı mezbûrdan ancak seksen guruş deyni olduğunu ikrâr ve mâʻadâsını münkir olmağla mûcebiyle ikrârı mertebesini edâya mezbûr Bostanî Mehmed’e baʻde’t-tenbîh ve münkir olduğu mâʻadâyı müddeʻiye-i mezbûre Ayşe’ye beyâna havâle olunduğu Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-âşir min-Cemâziyelevvel li-sene sittin ve miʼe ve elf.