Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 176 Hüküm no: 190 Orijinal metin no: [20b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kötü davranışlarda bulunarak komşularını rahatsız edenlerin mahalleden çıkarılmaları Maʻrûz; Medîne-i Eyüb’de Bıçakcı Ferhad Mahallesi sükkânından ashâb-ı arzuhâl İmam Hâfız Ali Efendi ve cemâʻatinden Hüseyin Ağa ve Yahya Efendizâde Mustafa Çelebi ve Bardakcı İsmail ve Bardakcı Ömer Odabaşı ve Hasan Beşe ve diğer İsmail nâm kimesneler meclis-i şerʻ-i hatîrde mahalle-i mezbûrede sâkin Bitinhorlu? Mustafa ve Kireçci Safiye ve Kör Hatice muvâcehelerinde mezbûrlar kendi hâllerinde olmayıp nâ-mahremden ictinâbları yokdur deyü bi’l-muvâcehe ihbâr ve mahalle-i mezbûreden ihrâclarını iltimâs etdiklerinde mezbûrlar dahi taʻahhüd etdikleri tescîl olunup huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ min-Cemâziyelevvel sene sittin ve miʼe ve elf.